
The Blackcoat's Daughter
Gi meg ein månad eller to, så har eg truleg gløymt kva The Blackcoat's Daughter handlar om. Der og då er han grei. Eg får passe mykje mystikk og skrekk, men lite som gjer at filmen festar seg.
Kat (Kiernan Shipka) og Rose (Lucy Boynton) blir verande på ein nesten tom internatskule i ferien. Samtidig følger me Joan (Emma Roberts), som er på veg gjennom det same vinterlandskapet. Korleis historiene heng saman, er ein del av det filmen held tilbake.
Eit slikt opplegg kan halde interessa oppe medan eg ser på. Det gjer også denne filmen, utan at eg finn noko særleg som vil skilje han frå andre skrekkfilmar i minnet mitt. Det er nok til ei grei oppleving, men ikkje meir.
James Berardinelli på ReelViews (reelviews.net) meiner strukturen gjer filmen uvanleg, men finn han verken særleg skummel eller ubehageleg. Han trur eit nytt gjennomsyn gir meir enn det første. Eg kjenner ikkje noko stort behov for å prøve det.
Filmen fungerer altså best for meg medan han står på. Det er lite som gir meg grunn til å tru at han blir verande lenge etterpå.
