
The Color Wheel
Eg har fått sansen for Alex Ross Perry. Filmane hans kan minne meg om Woody Allen, utan at eg opplever dei som etterlikningar. Han gjer si eiga greie, og The Color Wheel er eit godt døme på det.
JR (Carlen Altman) får broren Colin (Alex Ross Perry) med på ein biltur for å hente tinga sine hos ein ekskjærast. Søskena kjem ikkje særleg godt overeins. Samtidig er det heller ikkje så lett for dei å finne seg til rette blant andre.
Eg likar at Alex Ross Perry har noko eige innanfor dette.
Nicholas Bell trekker på IONCINEMA (ioncinema.com) fram dei syrlege replikkane og samanliknar dei med eldre Woody Allen-filmar. Han ser også ei historie om kva som skjer når draumane ikkje blir slik ein hadde tenkt. Det er eit meir konkret slektskap enn berre at begge lagar komediar.
