
The Dark Knight Rises
The Dark Knight Rises er ein Batman-film der me møter Bruce Wayne (Christian Bale), som også er Batman. Filmen er den tredje med Christian Bale, og som er regissert av Christopher Nolan.
Som mange andre tykker eg Batman-filmar er kurant underhaldning. Og dette er ein opptur i frå den noko vrøvlete The Dark Knight, som eg har rangert bra, men eigentleg synest var både lang og hadde for mange dominerande trådar til å verke som ein samanhengande film.
The Dark Knight Rises har ikkje dette problemet, og framstår som ein meir konkret film. Sjølv om speletida er nærare tre timer enn to.
Det er mogleg å vere nøgd med filmen og likevel oppleve samanhengen annleis. På Elliot’s Film Review Blog (elliotsreviews.blogspot.com) blir den raske klippinga kritisert for å svekke både overgangar og kjensler, medan avslutninga løftar heilskapen. Eg synest forteljinga heng betre saman enn dette tyder på. Trass i omfanget fekk eg ein meir konkret film enn førre gong.
Det er eit litt overdrive scenario, kor heile Gotham står i fare for å bli lagt i ruinar. Men det er løyst på batmansk vis, med eit glimt av humor. Iallfall er det mitt inntrykk etter å ha sett ei god mengde Batman-teiknefilmar.
