Hopp til hovedinnhold
Plakat for Who Framed Roger Rabbit (1988)

Who Framed Roger Rabbit

Film
3

I blant er det filmar som blir liggande usett. Dei er i medvitet, men blir aldri sett. Who Framed Roger Rabbit har vore ein sånn film for meg i fleire år.

Forventingane har vore låge. Det har vore grunnen til at eg ikkje har sett filmen før no. Det førte til ei positiv oppleving. Det han tapar på er at han ikkje går heilt i hop med filmsmaken min.

Det er overdriving på ein enkel måte som ikkje fell i smak. Mens andre delar av filmen er både morosam og fin å sjå på. Til slutt endar det difor opp som ein grei film.

Skiljet mellom det flotte uttrykket og ein film som ikkje heilt går opp, finst òg hjå Andrew Wickliffe på The Stop Button (thestopbutton.com). Han rosar blandinga av animasjon og verkelege skodespelarar, men meiner Robert Zemeckis ikkje får samle alle delane. Innvendingane hans er meir konkrete enn mine, men me endar nær kvarandre i opplevinga av noko som er visuelt underhaldande utan å fungere like godt som heilskap.