Hopp til hovedinnhold
Plakat for Working Girl (1988)

Working Girl

Film
3

I Working Girl blir me kjent med Tess McGill. Ho er ein sekretær som siktar mot toppen i bransjen. Det er eit mannsdominert miljø. Og ho blir undervurdert på grunn av at ho er kvinne.

Så får ho ein ny sjef, ei kvinne, som blir ein slags mentor for Tess. Inntil Tess opplever at ho stel ein ide ho har. Når sjansen byr seg, tek Tess sjansen på å posisjonere seg ved å late som ho har sjefsstillinga til sin overordna.

Filmen har tema som makt, identitet og kjønnspolitikk. Han har òg rom for romantikk og forvinklingar. Alt skjer i ei interessant og god framstilling av forretningsverda i New York på 1980-talet.

Eg likar samspelet mellom Melanie Griffith, Sigourney Weaver og Harrison Ford. Og sjølvrealiseringa av eige potensiale som karakteren Tess gjer. Filmen klarte å underhalde Av Mike Nichols-filmar så hamnar han midt på treet.

Tess McGill si sjølvrealisering blir vurdert meir skeptisk av The W Movie Blog (100wmovies.blogspot.com). Skribenten opplever henne som meir kalkulert og uforsiktig enn modig, og er mindre overtydd av Harrison Ford som romantisk motspelar. Eg hadde større glede av samspelet og framgangen hennar. Men innvendinga gjer det interessant å tenke over kor mykje filmen ber oss godta av handlingane hennar fordi ho frå starten er så tydeleg undervurdert.