Hopp til hovedinnhold
Plakat for Kapningen (2023)

Kapningen

Serie
3

Eit kapra fly gir Kapningen eit godt utgangspunkt. Det er mykje som kan gå gale, og kort tid til å gjere noko med det. Eg blir likevel ikkje så engasjert som eg trur eg kunne ha blitt.

Eit fly frå Stockholm til San Francisco blir truga med å bli sprengt dersom bestemte krav ikkje blir oppfylte. Fredrika Bergman (Liv Mjönes) og Alex Recht (Jonas Karlsson) blir sette til å handtere saka på bakken. For dei involverte er det meir enn ei vanleg etterforsking.

Nine Selander meiner på Filmtopp (filmtopp.se) at dialogen kunne vore finpussa. Ho finn spenning i korleis situasjonen skal løysast, men meiner også serien kunne ha gitt meir.

Det siste kjenner eg igjen. Det er noko rufsete ved gjennomføringa som gjer at eg ikkje får heilt tak. Serien verkar litt billeg, utan at eg klarar å peike på éin ting som forklarer det. Ein strammare og meir gjennomarbeidd versjon kunne nok ha fått meir ut av det same premisset.