Hopp til hovedinnhold
Plakat for Made in Oslo (2022)

Made in Oslo

Serie
3

Made in Oslo gir meg eit interessant miljø og ei hovudrolle Pia Tjelta får mykje ut av. Samtidig blir eg irritert av fleire av vala hovudpersonen tar. Det trekker ned eit drama eg elles gjerne vil følge.

Elin (Pia Tjelta) driv ein fertilitetsklinikk og hjelper andre med å få barn. Sjølv ønsker ho seg også eit. Etter fleire mislukka forsøk blir ønsket så sterkt at ho set både arbeidet og forholda rundt seg på spel.

Eg kan bli frustrert når elles oppegåande menneske gjer dumme ting. Det skjer her. Eg vil forstå desperasjonen, men det betyr ikkje at dramatikken rundt alle handlingane fungerer like godt for meg.

Kvifor reagerer ikkje dei andre sterkare på åtferda? Kjartan Hansen meiner serien har eit forklaringsproblem der. Det skriv han på Filmmagasinet Ekko (ekkofilm.dk). Likevel blir han engasjert av skodespelet og dei etiske dilemmaa.

Eg finn også nok i temaet og miljøet til å bli verande. Pia Tjelta held godt på interessa mi. Serien fungerer greitt, men kunne ha gitt meg meir med mindre frustrasjon rundt vala som driv han framover.