Hopp til hovedinnhold
Plakat for Oslo Zoo (2018)

Oslo Zoo

Serie
3

Det var nok ganske tilfeldig at eg enda opp med Oslo Zoo på NRK. Ein humorserie med korte episodar kan vere lett å prøve, og her går det også fort unna når eg først har begynt.

Amir (Amir Asgharnejad) har utdanning, men får ikkje den jobben han ønsker. Han begynner å køyre folk rundt, samtidig som dei nær han trur at han har fått ein heilt annan jobb. Løgna gir han stadig meir å halde styr på.

Det er ikkje så mykje substans eg sit igjen med. Men serien er innom mange spesielle situasjonar og personar, og det gir episodane noko å arbeide med. Nye møte og nye problem held det gåande.

Pål Frostad på Filmkikk (filmkikk.no) er langt meir begeistra og framhevar dei mange små historiene som blir fletta inn i kvardagen til hovudpersonen. Det er også variasjonen i situasjonane som gjer serien lett å sjå for meg.

Oslo Zoo blir dermed eit forholdsvis greitt tilfeldig funn. Eg får korte episodar med nok merkelege menneske og forviklingar til at tida går. Det er ikkje ein serie som gir meg veldig mykje etterpå, men han fungerer som noko lett å følge der og då.