
Oz and James Drink to Britain
Oz & James Drink to Britain er ein slags oppfølgar til Oz and James's Big Wine Adventure, kor vineksperten Oz Clarke og journalisten James May reiste rundt i Frankrike og USA for å drikke vin.
Denne gangen reiser dei rundt i Storbritannia og Irland for å drikke alt mogleg rart. Det er like underhaldande som alltid, då desse personane er to motsetningar, og temaet er det interessante konseptet drikk med alkohol i.
I løpet av åtte episodar reiser desse to innom ein god del bryggeri, brenneri og det som er for å oppleve øl, whisky, vodka, sider og andre lekre saker.
Dette er ein serie av typen kor du bør ha litt interesse for korleis drikkene blir laga, men kor du også kan bli underhalde enkelt nok av formatet til serien, som er lettfatteleg og smått humoristisk.
Den lettbeinte forma blir forsvart i ei tidleg vurdering på HardKnott Dave’s Blog (hardknott.blogspot.com). Skribenten skulle gjerne hatt meir seriøst ølstoff, men meiner underhaldninga kan få fleire enn entusiastane interesserte. Det er eit godt poeng om formatet. Samspelet og den enkle tonen gir oss noko å følge også når me ikkje kjenner alle detaljane ved drikken på førehand.
