
Pramface
I Pramface blir ei middelklassejente i collegealder gravid med barnet til ein arbeidarklassegut i high school-alder. Det er eit uhell i fylla og får komiske konsekvensar som blir utforska over tre sesongar.
Det er potensielt kjensler mellom desse to, og det blir garantert knytt eit band mellom dei. Dei prøver å finne ut kva dei skal gjere ut av det å få eit barn, stort sett kvar for seg, som fører til komplikasjonar. Begge har problem med at dei brått må bli ansvarlege for eit barn. Guten går i seg sjølv for å finne ut kva han må gjere for å bli vaksen, men feigar gjerne ut.
Alt på komisk vis, då dette er ein komedie og ein britisk såleis. I tillegg er det mange artige karakterar i form av venner og ikkje minst familie. Foreldra til begge to er i grunn artigare enn ungane. For med ungane er det situasjonane som oppstår som er best.
Dei vaksne rundt paret får også god plass i omtalen av tredje sesong til Linda Jew på The British TV Place (thebritishtvplace.com). Ho trekker særleg fram Anna Chancellor som eit komisk lyspunkt, og viser korleis foreldra sine eigne kriser skaper meir rot. Det er mykje av gleda for meg også. Dei unge slit med å bli vaksne, men folka som allereie skal vere det, er slett ikkje meir veltilpassa.
