
Rykter
Rykter er ein norsk ungdomsserie frå NRK som har klart å treffe ein nerve med sitt enkle, men ærlege uttrykk. Med korte episodar og lettdriven forteljing er det lett å sluke ein heil sesong i eitt jafs, noko som nesten er ei nødvendigheit, for ventetida mellom episodane kan kjennast lang. Serien tek opp typiske ungdomstema som venskap, press, forelsking og identitet, og gjer det på ein måte som kjennest naturleg og gjenkjenneleg.
Einar Aarvig på Periskop (periskop.no) meiner entusiasmen i første sesong veg opp for ei velkjend historie og stundom keitete skodespel. Han rosar òg at serien viser fram eit vestlandsk kystmiljø som sjeldan får plass på skjermen. Det gir eit fint tillegg til den gjenkjennelege tonen eg likar. Det vanlege ungdomsdramaet får noko eige gjennom staden og energien i formidlinga.
Etter tre sesongar held serien fram med å vere engasjerande, og det er kjekt å vite at ein fjerde er på veg. Rykter er ikkje revolusjonerande, men han fungerer veldig godt i sitt format, og har blitt eit lite høgdepunkt innan norsk ungdomsdrama.
