Julekalender på Filmdagbok

Skriv · · 24. november 2009

Snart advent, snart desember og snart julekalender. 1. desember betyr 1. luke i den 1. julekalenderen på Filmdagbok. Det blir mange nye innlegg om filmar der handlinga har med jul å gjere, der filmen har blitt laga som ein julespesial eller føregår rundt juletider. Det blir òg oppgulp frå arkivet som eg har finpussa på og framleis står for.

Litt oppdatert informasjon om julekalenderen (27. nov): Den har 24 luker. Det blir kortfilm, animasjon, komedie, europeisk film. Det blir dårleg film, god film, tradisjonar og nytt. Det blir litt jul, veldig jul, men berre jul. Det blir tilfeldig julefilm, lenge etterlengta julefilm og tidlegare sett julefilm. Det blir litt film frå mange sine favorittlister, men eit forsøk på å unngå for mange slike.

Alle innlegg vil bli merka med lukenummer og funnen på sida Julekalender 2009.

1. desember klokka 09:00 skjer det.

Julekalender på Filmdagbok plakat - Filmdagbok