Hopp til hovedinnhold
Plakat for Two Guys and a Girl (1998)

Two Guys and a Girl

Serie
3

Two Guys and a Girl er ein serie som eg såg litt på i min spede ungdom, men som har tilgode å komme ut på video. Dette har gjort at eit ønske om å sjå igjen serien har blitt endå sterkare i løpet av åra enn med nokon annan serie.

Serien handlar om nokon unge menneske i ein storby. Episodane blander romantikk, vennskap og sprø hendingar. Med andre ord er det ein typisk post-Seinfeld- og post-Friends-serie.

At forventingane var høge gjorde nok litt til at det vart eit ørlite vonbrot å sjå denne igjen. Det er framleis ein gøyal serie, og har solide skodespelarar i form av blant anna Ryan Reynolds og etter kvart Nathan Fillion.

Skodespelarane ser ut til å vere den viktigaste grunnen til å hente fram denne serien igjen. Sean Axmaker på Video Librarian (videolibrarian.com) rosar det sjarmerande ensemblet og dei kvikke replikkane, men meiner serien elles skil seg lite frå andre komediar frå same periode. Det passar godt med mitt eige gjensyn, der Ryan Reynolds og Nathan Fillion held humøret oppe sjølv om serien ikkje heilt innfrir forventingane.